Home

എന്നാൽ കുറച്ചകലെയുള്ള ഒരു ക്ഷേത്രപൂജാരി ഇടക്കുവന്നു ഒരുകൽചരാതിൽ തിരികത്തിച്ചുപോയിരുന്നുവെന്നും അവർ ഓർക്കുന്നു. സ്ഥലവാസികളുടെ ആഗ്രഹാനുസരണം ഒരുദേവപ്രശ്നം 1979 ൽ നടത്തുകയുണ്ടായി. അതേത്തുടർന്നു പുനരുദ്ധാരണപ്രവർത്തനം ആരംഭിച്ചെങ്കിലും എങ്ങും എത്തിയില്ല. ശ്രീ കാണിപ്പയ്യൂർ കൃഷ്ണൻ നമ്പൂതിരിപ്പാട് സ്ഥലം സന്ദർശിച്ചു നിജപ്പെടുത്തിയതിന്റെ അടിസ്ഥാനത്തിൽ കൊത്തും കിളയും നടത്തിയപ്പോൾ ചുറ്റമ്പലത്തിന്റെ ചില അടയാളങ്ങൾ കാണാനിടയായി. മാത്രമല്ല ക്ഷേത്ര കിണറിന് സ്ഥാനനിർണ്ണയം നടത്തി ഉദ്ദേശം രണ്ടു മൂന്നുകോൽ ആഴത്തിൽ കുഴിച്ചു ചെന്നപ്പോൾ പഴയ ക്ഷേത്രക്കിണറിന്റെ പടവുകളും മറ്റും കാണാൻ കഴിഞ്ഞു. ഈ കിണറിലെ വെള്ളം തന്നെയാണ് ഇപ്പോഴും ക്ഷേത്ര ആവശ്യങ്ങൾക്കായി ഉപയോഗിച്ചുവരുന്നത്. 1983 മാർച്ച്‌ 19 മുതൽ 23 വരെ തന്ത്രി കിഴക്കുമ്പാട്ടില്ലത്തു ശ്രീവാസുദേവൻ‌ നമ്പൂതിരിപ്പാടിന്റെ പ്രധാന കാർമ്മികത്വത്തിൽ പരിഹാരക്രിയകൾ നടത്തി. വിഗ്രഹാവശിഷ്ടങ്ങൾ മറ്റൊരു സ്ഥാനത്ത് ‘ഇളംകോവിൽ’ കൊണ്ട് മാസത്തിലൊരുദിവസം മാത്രം പൂജനടന്നുവന്നു. സ്ഥലവാസികളുടേയും മറ്റു ഭക്തജനങ്ങളുടേയും സഹായസഹകരണങ്ങൾ കൊണ്ട് യഥാസ്ഥാനത്ത് ഒരു പുതിയ ശ്രീ കോവിൽ പണിത് അതിൽ ശ്രീരാമസ്വാമിയുടേയും ശ്രീഹനുമാൻ സ്വാമിയുടേയും പുതിയവിഗ്രഹങ്ങൾ 1989 മെയ്‌ 10 ന് (മേട മാസത്തിലെ പുണർതം നക്ഷത്രം) പുലർച്ചെ 4 മണിക്ക് പ്രതിഷ്ഠിക്കുകയുണ്ടായി. ദിവസം രാവിലെ മാത്രം പൂജനിർവിഘ്നം നടന്നു വരുന്നു.

പിന്നീടു നടത്തിയ താംബൂല പ്രശ്നത്തിൽ ഈ സന്നിധിയിൽ ശ്രീഗണപതി, ശ്രീധർമ്മശാസ്താവ്,  ശ്രീവനദുർഗ്ഗ, ശ്രീനാഗരാജാവ്, ശ്രീനാഗകന്യക എന്നീ സാന്നിദ്ധ്യങ്ങൾ കാണുകയാൽ പുതിയ ശ്രീകോവിലുകൾ നിർമ്മിച്ച്‌ യഥാവിധി പ്രതിഷ്ഠാകർമ്മം 1999 ഏപ്രിൽ 22 ന് പുലർച്ചെ 4 മണിക്ക് നടത്തി.